Ўзбекистон Республикаси Бизнес-омбудсманига тадбиркорларнинг ҳуқуқларини ўз вақтида ҳимоя қилинишини таъминлаш мақсадида маъмурий жавобгарлик тўғрисидаги Кодекснинг 9 та моддаси бўйича маъмурий ҳуқуқбузарликлар тўғрисидаги ишларни кўриб чиқиш ваколати берилган. 

Булар:

• Жисмоний ва юридик шахсларнинг мурожаатлари тўғрисидаги қонунчиликни бузиш тадбиркорлик субъектларининг ҳуқуқлари бузилиши қисмида (43-модда);
  
• Ер участкасини ноқонуний олиб қўйиш - тадбиркорлик субъектларининг ҳуқуқлари бузилиши қисмида (200 2-модда);
  
• Хусусий мулк ҳуқуқини бузиш (241 1-модда);
  
• Тадбиркорлик субъектларининг фаолиятини текшириш ва молия-хўжалик фаолиятини тафтиш қилиш тартибини бузиш (241 2-модда);
  
• Тадбиркорлик субъектларининг фаолиятини ва (ёки) уларнинг банклардаги ҳисобварақлари бўйича операцияларни қонунга хилоф равишда тўхтатиб туриш (241 3-модда);
  
• Тадбиркорлик субъектларини ҳомийликка ва бошқа тадбирларга мажбурий жалб этиш (241 4-модда);
  
• Имтиёзлар ва преференцияларни қўллашни ғайриқонуний равишда рад этиш, қўлламаслик ёки қўллашга тўсқинлик қилиш (241 6-модда);
  
• Тадбиркорлик субъектларининг ҳисобварақларида пул маблағлари мавжудлиги тўғрисидаги ахборотни қонунга хилоф равишда талаб қилиб олиш (241 8-модда);
  
• Тадбиркорлик субъектларидан қонунчиликни бузган ҳолда ҳужжатлар талаб қилиб олиш (241 10-модда).
  

🛡Ҳурматли тадбиркорлар!

Агарда сизнинг қонуний ҳуқуқ ва манфаатларингиз давлат органлари томонидан бузилаётган бўлса Бизнес омбудсманга мурожаат қилинг!