Бизнес-омбудсман девони ходимлари томонидан Тошкент шаҳрининг барча туманларида ўтказилган сайёр қабуллар давомида тадбиркорлар солиқ билан боғлиқ муаммога дуч келганлиги маълум қилинди.

Хусусан, 155 та тадбиркорлик субъектлари томонидан Тошкент шаҳар Давлат солиқ бошқармасига ҚҚСни қайтариш бўйича мурожаат қилинган.

Солиқ кодексининг 21-моддасига кўра солиқ тўловчи солиқлар, пенялар ва жарималарнинг ортиқча тўланган ёки ортиқча ундирилган суммаларини ўз вақтида ҳисобга ўтказиш ёки қайтариш ҳуқуқига эга.

Шунингдек, Солиқ кодексининг 12-бобида ортиқча тўланган ва ортиқча ундирилган солиқларни ҳисобга олиш ҳамда қайтариш тартиби ва муддатлари белгиланган.

Бизнес-омбудсман девонининг ходимлари томонидан Тошкент шаҳар давлат солиқ бошқармаси билан ҳамкорликда олиб борилган ишлар натижасида 155 та тадбиркорлик субъектларининг 185 миллиард сўм миқдоридаги ҚҚС суммаси қайтарилди.