Бизнес-омбудсманга Тошкент шаҳрида турли йўналишларда фаолият юритувчи 33 та тадбиркорлик субъектлари солиқ органлари томонидан ортиқча тўланган ҚҚС суммасини қайтаришда амалий ёрдам беришни сўраб мурожаат қилди.

Солиқ кодексининг 21-моддасига кўра солиқ тўловчи солиқлар, пенялар ва жарималарнинг ортиқча тўланган ёки ортиқча ундирилган суммаларини ўз вақтида ҳисобга ўтказиш ёки қайтариш ҳуқуқига эга.

Шунингдек, Солиқ кодексининг 12-бобида ортиқча тўланган ва ортиқча ундирилган солиқларни ҳисобга олиш ҳамда қайтариш тартиби ва муддатлари белгиланган.

Бизнес-омбудсман ходимлари томонидан Тошкент шаҳар Давлат солиқ бошқармасига юборилган сўров хатига асосан 33 та корхонага жами 29,3 миллиард сўмдан зиёд сумма қайтарилишига эришилди.