Бугун, 19 декабрь куни Ўзбекистон Республикаси Адлия вазирлиги Интеллектуал мулк департаменти ходимлари тадбиркорлик субъектлари фаолиятини текширишга ҳуқуқ берувчи махсус гувоҳнома олиш учун аттестациядан ўтказилди.

Бунда Ўзбекистон Республикаси Президенти ҳузуридаги тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Ўзбекистон Республикаси Адлия вазирлиги Интеллектуал мулк департаменти ва Савдо-саноат палатаси вакиллари иштирок этди.

Аттестациядан ўтган 4 нафар ходимга махсус гувоҳнома бериш белгиланди. Аттестациядан ўтолмаган 3 нафар ходим эса 6 ойдан сўнг қайта аттестациядан ўтказиш белгилаб қўйилди.