Коррупцияга қарши курашиш агентлигида тадбиркорлар, Бизнес-омбудсман ўринбосари, Коррупцияга қарши курашиш агентлиги, Савдо-саноат палатаси ҳамда мутасадди ташкилотлар вакиллари иштирокида мулоқот бўлиб ўтди. Мазкур тадбир БМТнинг Наркотиклар ва жиноятчилик бўйича бошқармаси билан ҳамкорликда ташкил этилди. 

Ушбу мулоқотдан асосий мақсадлар:

• давлат органлари фаолиятида ҳалоллик ва шаффофликни таъминлаш бўйича амалга оширилаётган ислоҳотларнинг мазмун-моҳиятини тадбиркорлик субъектларига етказиш;
• тадбиркорлар билан тўғридан-тўғри мулоқотни йўлга қўйиш;
  
• соҳадаги мавжуд муаммолар бўйича фикр-мулоҳазаларни ўрганиш;
  
• бизнес секторида коррупцияга қарши курашиш тизимини янада такомиллаштиришга доир амалий таклифлар ишлаб чиқишдир.