Бизнес-омбудсман томонидан тадбиркорлик субъектлари фаолиятида ўтказилаётган текширишларнинг қонунийлиги устидан мониторинг давомида давлат идорасининг мансабдори томонидан ноқонуний текширув ўтказилганлиги аниқланди.

Хусусан, Миришкор туман Санитария-эпидемиологик осойишталик ва жамоат саломатлиги бўлими мансабдори А. А. (исми ўзгартирилган) томонидан тадбиркорлик субъектининг фаолиятида Бизнес-омбудсманни хабардор қилмаган ҳолда текширув ўтказилган.

Ушбу ҳолат бўйича жиноят ишлари бўйича Миришкор туман судининг қарори билан Миришкор туман СЭО ва ЖС бўлимининг санитария-гигиена бўлими мансабдори А. А. тадбиркорлик субъектининг фаолиятида ноқонуний текширув ўтказилганлиги учун маъмурий жавобгарликка тортилиб, унга нисбатан 10,8 миллион сўмлик жарима жазоси белгиланди.