30-Sentabr, 2022-yil

Давлат корхонаси тадбиркорга 1,2 миллиард сўм қарздорликни тўлаб беради

Қорақалпоғистон Республикасида фаолият юритувчи “Osiyo” МЧЖ (номи ўзгартирилган) шартнома бўйича тўловларни ундиришда муаммога дуч келиб, Бизнес-омбудсманга мурожаат қилди.

Хусусан, Жамият ва Қорақалпоғистон Республикаси йўллардан фойдаланиш унитар корхонаси ўртасида олди-сотди шартномаси тузилган. Унга мувофиқ тадбиркор томонидан белгиланган шартлар тўлиқ бажарилган бўлсада, тўловлар вақтида амалга оширилмаган.

Шунга кўра Бизнес-омбудсман томонидан Нукус туманлараро иқтисодий судига киритилган даъво аризаси натижасида, Қорақалпоғистон Республикаси йўллардан фойдаланиш унитар корхонаси ҳисобидан Жамият фойдасига 1,2 миллиард сўм қарздорлик ундирилиши белгиланди. 

Пресса хизмати

Касимов Дилмурод Султанмуратович

Вакил (Бизнес-омбудсман)

Ҳар қандай давлатнинг иқтисодиётини ривожлантириш учун хусусий мулк эгалиги, тадбиркорлик ва хусусий секторнинг ривожланиши шарт.

Text to speech
Звуковое сопровождение