Бизнес-омбудсман томонидан тадбиркорлик субъектлари фаолиятида ўтказилаётган текширишларнинг қонунийлиги устидан мониторинг давомида давлат идорасининг мансабдори томонидан ноқонуний текширув ўтказилганлиги аниқланди.

Хусусан, Учқўрғон туман Санитария-эпидемиологик осойишталик ва жамоат саломатлиги бўлими мансабдори А. А. (исми ўзгартирилган) томонидан тадбиркорлик субъектининг фаолиятида текширув ўтказиш жараёнида қуйидаги ҳуқуқбузарликларга йўл қўйилган:  

- текширув ўтказилиши юзасидан текшириш мақсади, текширувчи мансабдор шахсларнинг таркиби ва текширишни ўтказиш муддатлари кўрсатилган буйруғи қабул қилинмаган;

- текширув “Текширишларни рўйхатга олиш ягона тизими”дан рўйхатдан ўтказилмаган.

Тадбиркорлик субъекти фаолиятини ноқонуний равишда текширилганлиги учун Учқўрғон туман СЭО ва ЖС бўлимининг санитария-гигиена бўлими мансабдори А. А. Бизнес-омбудсман томонидан маъмурий жавобгарликка тортилиб, унга нисбатан 12 миллион сўмлик жарима қўлланилди.