Навоий вилоятида фаолият кўрсатувчи “Business” МЧЖ (номи ўзгартирилган) Хатирчи туман халқ таълим бўлимидан шартнома бўйича қарздорликни ундиришда муаммога дуч келиб, Бизнес-омбудсманга мурожаат қилди.

Хусусан, Жамият ва халқ таълим бўлими ўртасида пудрат шартномаси тузилган бўлиб, унга мувофиқ Жамият томонидан белгиланган ишлар бажарилган. Шунга қарамасдан, тўловлар амалга оширилмаган.

Ушбу ҳолат бўйича Бизнес-омбудсман томонидан Кармана туманлараро иқтисодий судига даъво аризаси киритилиб, суднинг ҳал қилув қарори билан Хатирчи туман халқ таълим бўлимидан тадбиркор фойдасига 19,8 миллион сўм қарздорликни ундириш белгиланди.