Қорақалпоғистон Республикасида фаолият кўрсатувчи “Business” МЧЖ (номи ўзгартирилган) шартнома бўйича тўловларни таълим муассасасидан ундиришда қийинчиликларга дуч келиб, Бизнес-омбудсманга мурожаат қилди.

Маълум бўлишича, Жамият ва Тахиатош туманидаги таълим муассасаси ўртасида объектни жорий таъмирлаш тўғрисида шартнома тузилган. Шартномага мувофиқ Жамият томонидан белгиланган ишлар тўлиқ бажарилганлигига қарамасдан, белгиланган тўловлар амалга оширилмаган.

Шунга кўра, Бизнес-омбудсман томонидан Жамият манфаатида Нукус туманлараро иқтисодий судига даъво ариза киритилиб, суднинг ҳал қилув қарори билан Тахиатош туманидаги таълим муассасаси ҳисобидан Жамият фойдасига 606 миллион сўмлик қарздорликни ундириш белгиланди.