7-Sentabr, 2022-yil

Тадбиркорнинг ҳуқуқларини бузган мансабдор шахс маъмурий жавобгарликка тортилди

Навоий вилоятида фаолият юритувчи “Universal” МЧЖ (номи ўзгартирилган)  Навоий вилоят давлат архиви мутасаддиларининг ҳатти-харакатларидан норози бўлиб Бизнес-омбудсманга мурожаат қилди.

Маълум бўлишича, Жамият раҳбари томонидан Навоий вилоят давлат архивига юборилган мурожаати ўрганиш учун қабул қилиниб, мурожаатни кўриб чиқиш муддатлари бузилган. Натижада, мурожаат бўйича жавоб хати тадбиркорга 17 кунга кечиктирилган ҳолда юборилган.

Аниқланган ҳуқуқбузарликлар бўйича Бизнес-омбудсман томонидан Навоий вилоят давлат архиви мансабдор шахси Маъмурий жавобгарлик тўғрисидаги кодекснинг 43-моддасига асосан маъмурий жавобгарликка тортилди. 

Пресса хизмати

Касимов Дилмурод Султанмуратович

Вакил (Бизнес-омбудсман)

Ҳозирги ислоҳотларнинг муҳим жиҳати тадбиркорлардан камчилик излаб, уларни жазолаш эмас, балки ишни тўғри ташкил қилишни ўргатишдан иборатдир

Text to speech
Звуковое сопровождение