Қорақалпоғистон Республикасида фаолият кўрсатувчи “Business” МЧЖ (номи ўзгартирилган) шартнома бўйича тўловларни таълим муассасасидан ундиришда қийинчиликларга дуч келиб, Бизнес-омбудсманга мурожаат қилди.

Маълум бўлишича, Жамият ва таълим муассасаси ўртасида пудрат шартномаси тузилган. Шартномага мувофиқ Жамият томонидан белгиланган ишлар тўлиқ бажарилганлигига қарамасдан, белгиланган тўловлар тўлиқ амалга оширилмаган.

Шунга кўра, Бизнес-омбудсман томонидан Жамият манфаатида Нукус туманлараро иқтисодий судига даъво ариза киритилиб, суднинг ҳал қилув қарори билан Нукус шаҳридаги таълим муассасаси ҳисобидан Жамият фойдасига 38,5 миллион сўмлик қарздорликни ундириш белгиланди.