Қашкадарё вилоятида фаолият кўрсатувчи “Pharma” МЧЖ (номи ўзгартирилган) шартнома бўйича тўловларни Қамаши туман тиббиёт бирлашмасидан ундиришда қийинчиликларга дуч келиб, Бизнес-омбудсманга мурожаат қилди.

Маълум бўлишича, Жамият ва Қамаши туман тиббиёт бирлашмаси ўртасида дори-дармон ва тиббий воситаларни етказиб бериш тўғрисида шартнома тузилган. Унга мувофиқ, Жамият томонидан маҳсулотлар тўлиқ етказиб берилишига қарамасдан, белгиланган тўловлар амалга оширилмаган.

Шунга кўра, Бизнес-омбудсман томонидан Жамият манфаатида Чироқчи туманлараро иқтисодий судига даъво ариза киритилиб, суднинг ҳал қилув қарори билан Қамаши туман тиббиёт бирлашмаси ҳисобидан Жамият фойдасига 57,7 миллион сўмлик қарздорликни ундириш белгиланди.