Жиззах шаҳрида фаолият юритувчи “Universal” МЧЖ (номи ўзгартирилган) Маҳалла ва оилани қўллаб-қувватлаш бўлими мансабдорларининг хатти-ҳаракатларидан норози бўлиб Бизнес-омбудсманга мурожаат қилди.

Маълум бўлишича, Жиззах шаҳри Маҳалла ва оилани қўллаб-қувватлаш бўлими ва Жамият ўртасида пудрат шартномалари имзоланган бўлиб, уларга мувофиқ Жамият томонидан таъмирлаш ишлари бажарилган. Шунга қарамасдан, тўловлар ўз вақтида амалга оширилмаган.

Ушбу ҳолат бўйича Бизнес-омбудсман томонидан Жиззах туманлараро иқтисодий судига даъво аризаси киритилиб, суднинг ҳал қилув қарори билан Жиззах шаҳри Маҳалла ва оилани қўллаб-қувватлаш бўлимидан “Universal” МЧЖ фойдасига 346 миллион сўм қарздорликни ундириш белгиланди.