Наманган вилоятида фаолият юритувчи “Business” МЧЖ Давлатобод туман мактабгача таълим бўлими томонидан қарздорлик тўлаб берилмаётганлигидан норози бўлиб Бизнес-омбудсманга мурожаат қилди.

Хусусан, тадбиркор ва Давлатобод туман мактабгача таълим бўлими ўртасида мактабгача таълим ташкилотларининг иситиш тизимини мукаммал таъмирлаш юзасидан 4 та пудрат шартномаси имзоланган.

Мазкур шартномаларга асосан пудратчи тадбиркор томонидан барча ишлар бажарилган бўлсада, белгиланган 238 миллион сўм қарздорлик бўлим томонидан тўлаб берилмаган.

Бизнес-омбудсман томонидан Наманган туманлараро иқтисодий судига киритилган даъво аризалари натижасида тадбиркор фойдасига мактабгача таълим бўлимидан жами 238 миллион сўм қарздорликни ундириш белгиланди.