Бизнес-омбудсман Дилмурод Касимов ва Озарбайжон Республикаси Кичик ва ўрта бизнесни ривожлантириш агентлигининг бошқарув раиси Орхан Маммадов ўртасида ҳамкорлик меморандуми имзоланди

Меморандумни имзолаш маросими 1 август куни Тошкентда бўлиб ўтган Озарбайжон-Ўзбекистон ҳукуматлараро қўшма комиссияси йиғилиши доирасида ўтказилди.

Тадбирда икки мамлакат ўртасидаги савдо-иқтисодий, қишлоқ хўжалиги ва саноат соҳаларидаги муносабатларни ривожлантиришдаги ижобий динамика юқори баҳоланди. Тадбир якунида икки мамлакат вазирлик ва идоралари ўртасидаги ҳамкорликни мустаҳкамлашга қаратилган қатор ҳужжатлар имзоланди.