Сирдарё вилоятида фаолият юритувчи “Entity” МЧЖ (номи ўзгартирилган) суд варақалари ижросини тўхтатиб туришда амалий ёрдам сўраб, Бизнес-омбудсманга мурожаат қилди. 

Маълум бўлишича, Гулистон туманлараро  иқтисодий судинининг қарори билан Жамият ҳисобидан “Ҳудудгазтаъминот” АЖ фойдасига 224,1 миллион сум асосий қарз ва 15, 6 миллион сум пеня ундирилиши белгиланган бўлиб, бу бўйича ижро варақаси чиқарилган. 

Тадбиркор томонидан юқоридаги қарздорликни бўлиб-бўлиб ёки кечиктириб тўлаш бўйича судга даъво ариза киритилиб, суд жараёнида Бизнес-омбудсман девони ходимлари ҳам тадбиркор манфаатида иштирок этдилар. Натижада, қарздорликни бўлиб-бўлиб тўлаш бўйича Жамият ва “Ҳудудгазтаъминот” АЖ ўртасида келишувга эришилди.