Солиқ қўмитасининг хабарига кўра, фавқулодда ҳолат даврида Қорақалпоғистон Республикасида фаолият юритаётган солиқ тўловчиларга нисбатан солиқ ҳисоботларини белгиланган муддатларда тақдим этмаслик ҳолатлари бўйича жавобгарлик ва таъсир чоралари (банкдаги ҳисобрақамлар бўйича операцияларни тўхтатиш, ҚҚС гувоҳномасини амал қилишини вақтинча тўхтатиш) қўлланилмайди. 

Мазкур чоралар Қорақалпоғистон Республикаси ҳудудида шу йилнинг 3 июлидан 2 августига қадар фавқулодда ҳолат эълон қилинганлиги сабабли жорий этилгани қайд этилди.