Қашқадарё вилоятида фаолият юритувчи “Business Entity” ХК (номи ўзгартирилган) Қарши шаҳар ҳокимининг қароридан норози бўлиб, Бизнес-омбудсманга мурожаат қилди.

Хусусан, Қарши шаҳар ҳокимининг қарори асосида  “Business Entity” ХКга тадбиркорлик фаолияти учун бўш турган ер майдони ажратилган. Кейинчалик, мазкур ер майдони “E-ijro auksion” орқали электрон онлайн-аукцион ўтказилмасдан тўғридан-тўғри ажратиб берилганлиги важ қилиниб, ер ажратиш тўғрисидаги ҳоким қарори бекор қилинган.

Таъкидлаш лозим, Ўзбекистон Республикаси Президентнинг ПФ-6243-сон Фармонининг 4-бандига мувофиқ туман ва шаҳар маҳаллий давлат ҳокимияти органлари томонидан ер участкаларига бўлган ҳуқуқларни белгилаш, эътироф этиш, ўзгартириш, бекор қилиш ҳуқуқи 2021 йил 1 августдан бекор қилинган.

Ушбу ҳолат юзасидан Бизнес-омбудсман томонидан Қарши туманлараро маъмурий судига киритилган шикоят натижасида, “Business Entity” ХКга ер майдонини ажратиш тўғрисидаги қарорни бекор қилиш бўйича ҳоким қарори ҳақиқий эмас деб топилди.