Андижон вилоятида фаолият кўрсатувчи “Radius trade” МЧЖ “Андижон ҲЭТК” АЖни ҳаракатидан норози бўлиб, Бизнес-омбудсманга мурожаат қилди.

Маълум бўлишича, “Андижон ҲЭТК” АЖ томонидан Жамиятга нисбатан қоидабузарлик далолатномаси расмийлаштирилиб, электр энергияси истеъмоли учун 12,9 миллион сўм қарздорлик ҳисобланган. Аммо мазкур мурожаатни ўрганиш давомида ушбу ҳисоб-китоб нотўғри амалга оширилганлиги аниқланган.

Ушбу ҳолат юзасидан Бизнес-омбудсман томонидан амалга оширилган ишлар натижасида, “Андижон ҲЭТК” АЖ томонидан қайта ҳисоб-китоб амалга оширилиб, Жамиятга нисбатан нотўғри ҳисобланган 12,9 миллион сўмлик қарздорлик 3,1 миллион сўмга камайтирилди.