Бизнес-омбудсманнинг Бухоро вилоятидаги ходимлари томонидан Бухоро вилоят ҳокимлиги билан ҳамкорликда фаолиятида турли муаммоларга дуч келаётган тадбиркорлар билан очиқ мулоқот ўтказилди.

Ўтказилган тадбирда вилоят сектор раҳбарлари, вилоят ҳокими ўринбосарлари, тегишли бошқарма ва ташкилотлар мутасаддилари иштирок этишди. 

Учрашувда тадбиркорлар асосан ўз бизнесини ривожлантириш учун тижорат банкларидан кредит маблағи олиш, иссиқхона барпо этиш, хизмат кўрсатиш соҳасини ривожлантириш, фермер хўжалигини ташкил этиш учун ер ажратиш каби масалалар юзасидан мурожаат қилдилар.