Tadbirkorlik subyektlari — belgilangan tartibda davlat roʻyxatidan oʻtgan hamda tadbirkorlik faoliyatini amalga oshirayotgan yuridik va jismoniy shaxslardir.

Ya’ni, rasmiy ro‘yxatdan o‘tib, qonuniy asosda biznes qilayotgan har qanday shaxs yoki tashkilot tadbirkorlik subyekti hisoblanadi. Bu MCHJ, xususiy korxona, fermer xo‘jaligi, oilaviy tadbirkorlik, YTT va boshqalar bo‘lishi mumkin.

Oddiy qilib aytganda, agar siz daromad olish maqsadida ro‘yxatdan o‘tib faoliyat yuritayotgan bo‘lsangiz — siz ham tadbirkorlik subyekti hisoblanasiz va qonun sizning huquqlaringizni himoya qiladi.

Eslab qoling: Tadbirkorlik subyekti maqomi sizga nafaqat majburiyat, balki qonuniy himoya ham beradi.