Oliy sudda “Transport sohasiga oid nizolarning o‘ziga xos xususiyatlari” mavzusida navbatdagi seminar o‘tkazildi. 

Unda Biznes-ombudsman devoni, Transport vazirligi, Transport nazorati inspeksiyasi rahbariyati hamda ma’muriy sudlar sudyalari qatnashdi.

Ishtirokchilar sohada tadbirkorlik faoliyati bilan bog‘liq yuzaga kelayotgan nizoli vaziyatlar va ularning huquqiy yechimlarini muhokama qildilar. Transport sohasidagi qonunchilikda kuzatilayotgan nomuvofiqliklarni bartaraf etish bo‘yicha aniq takliflar ishlab chiqildi.