Biznes-ombudsman o‘rinbosari J.Urunov Sirdaryo viloyatida bo‘lib, Prezidentning 2025-yil 19-sentyabrdagi PF-173-son Farmoni ijrosi yuzasidan amalga oshirilayotgan xatlov jarayonlarini o‘rgandi.

Tashrif davomida Sirdaryo va Mirzaobod tumanlarida tashkil etilgan shtablar faoliyati ko‘zdan kechirilib, «Farovon», «Furqat», «Shirin», «Mirzacho‘l», «Ulug‘bek»  va «Tinchlik» mahallalaridagi haqiqiy holat o‘rganildi.

J.Urunov mahalla yettiliklari bilan uchrashib, xatlov jarayonida yuzaga kelayotgan masalalar yuzasidan fikr almashdi hamda bevosita mahallalarda uyma-uy yurib, jarayonning shaffofligini o‘rgandi.

Mazkur tadbirlar hududning iqtisodiy salohiyatini to‘g‘ri baholash va qishloq xo‘jaligi resurslarining aniq hisobini yuritishda muhim ahamiyat kasb etadi.