Namangan viloyatida Biznes-ombudsman devoni xodimlari hamda Viloyat sog‘liqni saqlash boshqarmasi hamkorligida xususiy tibbiyot muassasalari va farmatsevtika sohasi vakillari ishtirokida seminar tashkil etildi.

Tadbir davomida nazorat qiluvchi organlar tomonidan tekshirishlar o‘tkazishning qonuniy tartibi, shuningdek, faoliyatni litsenziyalash va ruxsat berish jarayonlarida yuzaga kelayotgan tizimli muammolar atroflicha muhokama qilindi. Soha vakillari o‘zlarini qiziqtirgan savollarga huquqiy tushuntirishlar oldilar.

 Namangan viloyatida 2026-yil 1-yanvar holatiga jami 575 ta xususiy tibbiyot muassasalari, davolash markazlari va diagnostika markazlari faoliyat yuritib kelmoqda, shuningdek, viloyatda jami 825 nafar tadbirkorlik subyektlari dorixonalar tashkil qilib, aholiga dori-darmon vositalari yetkazib bermoqda.