Mamlakatimizda davlat xaridlari tizimini isloh qilish, sohada sog‘lom raqobat muhitini yaratish va ochiqlikni ta’minlashga alohida e’tibor qaratilmoqda.

Xususan, O‘zbekiston Respublikasi Prezidentining 2025-yil 26-dekabrdagi PF-259-sonli Farmoni bu boradagi ishlarni yangi bosqichga olib chiqdi.

Mazkur Farmonning mazmun-mohiyatini davlat buyurtmachilari va tadbirkorlik subyektlariga keng tushuntirish maqsadida hududlarda targ‘ibot tadbirlari o‘tkazilmoqda.

Navbatdagi uchrashuv Toshkent shahrida Biznes-ombudsman devoni, Iqtisodiyot va moliya vazirligi, Savdo-sanoat palatasi hamda shahar hokimligi vakillari ishtirokida tashkil etildi.