Bugun, 15-yanvar kuni Biznes-ombudsman Abdumannop Buriyev Sirdaryo viloyatida tadbirkorlik subyektlari vakillari bilan bevosita muloqot qildi.

Mazkur uchrashuv tadbirkorlarning masalasini tinglash, ularning faoliyatidagi to‘siqlarni bartaraf etish va yangi loyihalarini qo‘llab-quvvatlash maqsadida tashkil etildi.

Tadbirkorlar o‘z faoliyatlarida duch kelayotgan dolzarb masalalar va to‘siqlar yuzasidan bevosita murojaat qilish imkoniga ega bo‘ldilar.

Istiqbolli biznes loyihalar va sohani rivojlantirishga qaratilgan fikr-mulohazalar atroflicha muhokama qilindi.

Murojaatlarni qonuniy va tezkor hal etish bo‘yicha mas’ul shaxslarga tegishli ko‘rsatmalar berilib, ijrosi nazoratga olindi.

Biznes-ombudsman tadbirkorlarning huquq va qonuniy manfaatlarini himoya qilish maqsadida bu kabi muloqotlarni davom ettiradi.