“Ўзбекистон почтаси” АЖ Жиззах филиали шартнома бўйича бажарилган ишлар учун Зафаробод туман тиббиёт бирлашмасидан қарздорликни ундириб беришни сўраб ёзган мурожаати Бизнес-омбудсман томонидан ўрганилди. 

Аниқланишича, Жамият ва бирлашма ўртасида 10 945 000 сўмлик матбуот нашрларини етказиб бериш бўйича шартнома тузилган. Жамият томонидан шартнома шартлари бажарилганлиги тегишли ҳужжатларда ўз тасдиғини топган.

Бизнес-омбудсманнинг Жиззах туманлараро иқтисодий судига киритилган даъво аризаси натижасида Зафаробод туман тиббиёт бирлашмасидан “Ўзбекистон почтаси” АЖ фойдасига бажарилган ишлар учун 10 945 000 сўм қарзни ундириб бериш белгиланди.