2025 йил 18 ноябрь куни Ўзбекистон Республикасининг Бирлашган Миллатлар Ташкилоти (БМТ)нинг Коррупцияга қарши конвенцияси доирасидаги II босқич обзорига бағишланган тадбир бўлиб ўтди.

БМТнинг Коррупцияга қарши конвенцияси бажарилиши билан боғлиқ чора-тадбирларни амалга ошириш ҳамда ушбу йўналишдаги фаолиятни мувофиқлаштириш бўйича Ўзбекистон Республикаси миллий координатори вазифаси ва ваколатлари Коррупцияга қарши курашиш агентлиги зиммасига юклатилган.

Тадбир давомида БМТ экспертлари томонидан ушбу Конвенциянинг Ўзбекистон томонидан бажарилиши ўрганилмоқда. Хусусан, Конвенциянинг 12-моддаси (хусусий сектор фаолиятига оид) бўйича ўтказилган муҳокамаларда Бизнес-омбудсман девони раҳбари Ж.Урунов иштирок этди.

12-модда доирасида хусусий секторда коррупцияга қарши курашиш чоралари ва ташаббуслари, шунингдек, давлат ва хусусий сектор ўртасидаги ҳамкорлик механизмлари атрофлича ўрганилди.