Бизнес-омбудсман Девони томонидан тадбиркорлик субъектларининг ҳуқуқларини ҳимоя қилиш ва уларни ҳар томонлама қўллаб-қувватлаш мақсадида ҳудудларда очиқ мулоқотлар изчил ўтказилмоқда.

Навбатдаги учрашув Навоий вилоятининг Хатирчи туманида бўлиб ўтди. Унда Бизнес-омбудсман Девони бош инспектори Б. Мирзаев ҳамда Хатирчи туман ҳокимининг биринчи ўринбосари А. Нарзиев иштирок этди.

Мулоқотга ўз мурожаат, таклиф ва муаммолари билан 25 га яқин тадбиркор ташриф буюрди. Учрашув давомида тадбиркорлик фаолиятини қўллаб-қувватлаш, юзага келаётган муаммоларни бартараф этиш ва уларнинг самарали ечимлари юзасидан фикр алмашилди.

Шунингдек, Бизнес-омбудсман Девони ходимлари Қашқадарё вилоятининг Шаҳрисабз туманида ҳам тадбиркорлар билан учрашув ўтказди. Учрашувдан асосий мақсад Ўзбекистон Республикаси Президентининг 2024 йил 14 ноябрдаги ПФ-184-сон Фармонининг мазмун-моҳиятини тадбиркорларга тушунтириш ва унинг ижросини таъминлашдан иборат бўлди.