Сирдарё вилоятидаги "Sayxun Sharq Baraka" МЧЖ (номи ўзгартирилган) раҳбари "Энергосавдо" Сайхунобод туман бўлими ходимларининг хатти-ҳаракатидан норози бўлиб Бизнес-омбудсманга мурожаат йўллади.

Аниқланишича, жамият томонидан шолини қайта ишлаш лойиҳаси учун Хитойдан қиймати 250 минг АҚШ долларлик ишлаб чиқариш ускунаси олиб келинган ҳамда уни ўрнатишга чет эллик мутахассислар жалб қилинган. Бироқ, ушбу ускунани электр тармоғига улашда "Энергосавдо" Сайхунобод туман бўлими асоссиз равишда рад этиб келган.

Мурожаатни ўрганиш натижасида "Электр энергиясидан фойдаланиш" қоидаларининг қўпол равишда бузилишига йўл қўйилганлиги аниқланиб, "Энергосавдо" филиали Сайхунобод туман бўлими масъул ходимларига нисбатан интизомий жазо чораси қўлланилди ҳамда "Sayxun Sharq Baraka" МЧЖ билан электр таъминоти шартномаси тузилиши ва электр тармоғига улаб берилиши таъминланди.