Бизнес-омбудсман ўринбосари Жамшид Урунов ва Бирлашган Миллатлар Ташкилоти Тараққиёт дастурининг Ўзбекистондаги доимий вакили Акико Фудзии ўртасида учрашув бўлиб ўтди.

Учрашув давомида томонлар келгусидаги ҳамкорликнинг мумкин бўлган йўналишлари юзасидан фикр алмашдилар. Хусусан, тадбиркорлик субъектларининг ҳуқуқлари ва қонуний манфаатларини ҳимоя қилиш, инвестиция муҳитини яхшилаш ҳамда бизнесни ривожлантиришга қаратилган қўшма лойиҳа ва ташаббусларни амалга ошириш масалалари муҳокама қилинди.

Учрашув конструктив ва ўзаро англашув руҳида ўтди. Томонлар келгусида мунтазам алоқада бўлиш ва ҳамкорликнинг аниқ йўналишларини ишлаб чиқишга келишиб олдилар.