Андижон вилоятининг туман ва шаҳарларида фаолият кўрсатувчи гўшт маҳсулотларини сотишга ихтисослашган тадбиркорлик субъектлари Андижон вилояти ветеринария ва чорвачиликни ривожлантириш бошқармаси мансабдор шахсларининг хатти-ҳаракатларидан норози бўлиб, Бизнес-омбудсманга мурожаат қилди.

Аввалроқ, Андижон вилоятидаги 12 нафар тадбиркорлик субъектларининг ветеринария-санитария хулосалари қонунга мувофиқлаштириб берилганлиги тўғрисида хабар берилган эди. Ҳудди шундай қонунбузилиш ҳолатларига Андижон вилоятининг 14 туман ва шаҳарларида фаолият кўрсатувчи тадбиркорлар учраганлиги аниқланди. 

Бизнес-омбудсман томонидан олиб борилган ишлар натижасида, юқоридаги тадбиркорлик субъектларининг 348 нафар хулосалари қонунга мувофиқ қайта расмийлаштириб берилиши таъминланди.