Навоий вилоятининг Навбаҳор туманидаги 3 нафар фермер хўжаликларга тегишли ер майдонлари туман ҳокимлиги томонидан ноқонуний равишда олиб қўйилганлиги юзасидан Бизнес-омбудсманга мурожаат келиб тушган.

Аниқланишича, 2017 йилда узоқ муддатли ижара шартномалари асосида Навбаҳор туман ҳокимлиги томонидан 3 нафар фермер хўжаликларига жами 4 038 гектар ер майдонлари ажратилган. Аммо кейинчалик, мазкур шартномалар туман ҳокими томонидан ноқонуний равишда бир томонлама бекор қилинган. 

Бизнес-омбудсман томонидан юқоридаги 3 нафар фермер хўжаликларининг манфаатларида Навоий туманлараро маъмурий судига киритилган даъво аризалар натижасида Навбаҳор туман ҳокими қарорининг фермер хўжаликларига тегишли қисмлари бекор қилиниб, тадбиркорларнинг ер майдонларига бўлган ҳуқуқлари тикланди.