Ўзбекистон Республикаси аҳолисининг турмуш даражасини ошириш, камбағалликни камайтириш ҳамда янги иш ўринлари яратиш мақсадида кўплаб ислоҳотлар амалга оширилмоқда.

Сирдарё вилоятида томорқа ерларидан унумли фойдаланиш, аҳолининг кундалик муаммоларини ўрганиб ҳал этиш, шунингдек, ҳар бир хонадонни "Обод хонадон" мезонларига етказиш бўйича бир қатор ишлар олиб борилмоқда.

Шу муносабат билан, Ўзбекистон Республикаси Бизнес-омбудсмани ўринбосари Жамшид Урунов Сирдарё вилоятида бўлиб, аҳоли вакиллари билан учрашди. Учрашувлар давомида уларнинг муаммолари, таклифлари ва фикрлари ўрганилиб, мутасадди раҳбарларга уларни ҳал этиш юзасидан тегишли топшириқлар берилди.