Жиззах вилоятида фаолият кўрсатувчи тадбиркор сув таъминот корхонаси томонидан қўлланилган жаримадан норози бўлиб Бизнес-омбудсманга мурожаат қилди.

Аниқланишича, “Жиззах сув таъминоти” АЖ Шароф Рашидов тумани филиали томонидан мактабгача таълим тадбиркорлик субъектида ўрганиш ўтказилган.

Сув таъминот ходимлари далолатнома расмийлаштириш ва қайта ҳисоб-китобни амалга оширишда хатоликка йўл қўйган. Хусусан, қоидабузарлик учун зарар ҳисоблашда Вазирлар Маҳкамасининг 2014 йил 15 июлдаги 194-сонли қарор талаблари ҳамда мактабгача таълим ташкилотининг техник шарт олганлиги ҳолатига аҳамият қаратмаган.

Девон ходимлари аралашуви билан жарима бекор қилиниб, тадбиркорнинг мурожаати ижобий ҳал этилди.