Навоий вилоятида божхона бошқармаси, Бизнес-омбудсман, Савдо-саноат палатаси ва бошқа манфаатдор идоралар ҳамкорлигида тадбиркорларнинг ҳуқуқларини ҳимоя қилишга қаратилган семинар-тренинг ташкил этилди.

Семинар-тренинг давомида Ўзбекистон Республикаси Президентининг "Тадбиркорлар ҳуқуқлари ва қонуний манфаатларини ишончли ҳимоя қилиш чора-тадбирлари тўғрисида"ги Фармонининг мазмун-моҳияти, ушбу Фармон асосида тадбиркорлик субъектларига яратилган янги имкониятлар ҳамда уларнинг ҳуқуқ ва мажбуриятлари тушунтирилди.

Шу билан бирга, божхона органларининг соҳавий тузилмалари ходимлари томонидан божхона соҳасига оид янги қабул қилинган норматив-ҳуқуқий ҳужжатларнинг мазмун-моҳияти семинар иштирокчиларига етказилди.

2025 йил 1 январдан бошлаб, божхона органи томонидан тадбиркорлик субъектлари фаолиятида ўтказиладиган "Камерал" ва "Сайёр" божхона аудитлари "Ягона давлат назорати" ахборот тизимида рўйхатга олиш орқали Бизнес-омбудсманни хабардор этган ҳолда амалга оширилиши тўғрисида батафсил маълумотлар тақдим этилди.