Андижон вилоятида фаолият кўрсатувчи тадбиркор ходимларига иш ҳақи тўланмаганлигидан норози бўлиб Бизнес-омбудсманга мурожаат қилди.

Маълум бўлишича, “Bolajon-Baby” (номи ўзгартирилган) оилавий нодавлат мактабгача таълим ташкилотига ғазначилик хизмати томонидан иш ҳақи маблағлари ўз вақтида ўтказилмаган.

Бизнес-омбудсман аралашуви билан тадбиркорнинг ишчи ходимларига октябрь ойи учун иш ҳақлари тўлаб берилди.

Маълумот учун, Вазирлар Маҳкамасининг 02.08.2022 йилдаги 426-сонли қарори билан 2022 йил 1 сентябрдан бошлаб давлат-хусусий шериклик асосида фаолият юритаётган мактабгача таълим ташкилотларида, шу жумладан, оилавий нодавлат мактабгача таълим ташкилотларида давлат бюджети маблағлари ҳисобидан субсидиялар ходимларнинг ишга келиб-кетиши ҳамда тарбияланувчиларнинг давоматидан келиб чиқиб нодавлат мактабгача таълим ташкилотларини бошқариш ахборот тизимида автоматик равишда ҳисоблаб чиқилади.