Бухоро вилоятида фаолият юритувчи тадбиркор банк ходимларининг ҳаракатларидан норози бўлиб, Бизнес-омбудсманга мурожаат қилди.

Аниқланишича, «Шерзод-замин» МЧЖ (номи ўзгартирилган) АЖ «Миллий банк» Бухоро вилоят филиалидан 10 млрд сўм миқдорида кредит олиш учун Наманган вилоятидаги нотурар бино-иншоотни гаровга қўйган. Тадбиркор кредит қарздорлигини муддатидан олдин тўлиқ қоплаган бўлса-да, банк гаровдаги мулкни тақиқдан чиқармаган.

Бизнес-омбудсман аралашуви билан тадбиркорнинг муаммоси ҳал этилди ва бино-иншоот тақиқдан чиқарилди.