Хоразм вилоятида фаолият кўрсатувчи “Ш.А.С.” МЧЖ (номи ўзгартирилган) раҳбари мутасаддилар хатти-ҳаракатидан норози бўлиб, Бизнес-омудсманга мурожаат қилди.

Аниқланишича, тадбиркор ногиронлиги бўлган шахсларни корхонасига ишга қабул қилиб, уларни иш билан таъминлаган. Бироқ Ўзбекистон Республикаси Вазирлар Маҳкамаси қарорида белгиланган ҳар бир ходим учун 6 ой давомида ҳар ойда базавий ҳисоблаш миқдорининг 1,5 баравари миқдорида ажратилиши керак бўлган субсидия маблағлари 2024 йилнинг март ойидан буён ажратилмасдан келинган.

Бизнес-омбудсман девони аралашуви билан жамиятда ишлаб келаётган 7 нафар ногиронлиги бўлган шахслар учун ажратилиши лозим бўлган субсидия маблағлари тўлиқ тўлаб берилди.