Андижон туманидаги ЯТТ К.Н.Н. (номи ўзгартирилган) Андижон шаҳар ҳокимлиги Ободонлаштириш бошқармаси томонидан қарздорлик тўлаб берилмаётганлигидан норози бўлиб, Бизнес-омбудсманга мурожаат қилди.

Аниқланишича, ЯТТ К.Н.Н. ва Андижон шаҳар ҳокимлиги Ободонлаштириш бошқармаси ўртасида 2020 йилда гул етказиб бериш бўйича шартнома тузилган. Мазкур шартномага асосан тадбиркор томонидан умумий қиймати 470 999 100 сўмлик маҳсулот тўлиқ етказиб берилган. Шунга қарамай, бошқарма томонидан тадбиркорга пул маблағлари тўланмасдан келган. Тадбиркор томонидан киритилган талабнома натижасида бошқарма томонидан атиги 99 999 900 сўм пул маблағи тўланган.

Бизнес-омбудсман томонидан Андижон туманлараро иқтисодий судига киритилган даъво ариза натижасида, Андижон шаҳар ҳокимлиги Ободонлаштириш бошқармасидан ЯТТ К.Н.Н. фойдасига 370 999 200 сўм асосий қарзни ундириш бегиланди.