Сурхондарё вилоятида фаолият юритувчи оилавий нодавлат мактабгача таълим ташкилоти (ОНТМ) раҳбари ўз ходимларининг ойлик иш ҳақлари тўланмаётганлигидан шикоят қилиб, Бизнес-омбудсманга мурожаат қилди.

Мурожаатда Мактабгача ва мактаб таълим вазирлиги томонидан ОНТМга 2024 йил июль ойида 4 нафар ходимига ойлик иш ҳақлари тўланмаётганлиги билдирилган.

Бизнес-омбудсман девони кўмагида масъуллар билан ҳамкорликда Ўзбекистон Республикаси Вазирлар Маҳкамасининг 2022 йил 2 августдаги 426-сонли қарорига асосан ходимлар тўғрисидаги маълумотлар ахборот тизимига (NMTTBAT) киритилди.

Натижада, оилавий нодавлат мактабгача таълим ташкилотининг 4 нафар ходимига 2024 йил июль ойи учун ойлик маоши ҳамда озиқ-овқат учун субсидия пуллари тўлаб берилди.

Эслатиб ўтамиз, оилавий нодавлат мактабгача таълим ташкилоти фаолияти қонун ҳужжатларига мувофиқ муассиснинг маблағлари ҳамда Ўзбекистон Республикаси Давлат бюджети ҳисобидан ажратиладиган субсидиялар ҳисобидан молиялаштирилади.