Электрон ижтимоий тармоқларда Андижон вилояти Хўжаобод туманида фаолият юритувчи “Ҳур диёр паррандаси”  оилавий корхона раҳбари унинг фаолиятига вужудга келаётган тўсқинликлардан норози бўлиб қилган мурожаати тарқалган эди.

Мазкур мурожаат Бизнес-омбудсман томонидан белгиланган тартибда ўрганиш учун қабул қилинди. Айни дамда, ушбу ҳолатга аниқлик киритиш мақсадида, Андижон вилояти Экология ва атроф-муҳитни муҳофаза қилиш бошқармаси ва Хўжаобод туман ҳокимлигига сўров хатлари юборилди. Ўрганиш натижалари юзасидан қўшимча маълумот тақдим этилади.