Бухуоро вилоятида фаолият юритувчи бир гуруҳ тадбиркорлар Олот туман Санитария-эпидемиологик осойишталик ва жамоат саломатлиги бўлими (СЭО ва ЖСБ) ходимлари томонидан ноқонуний текширувларга дучор бўлганликларидан шикоят қилиб, Бизнес-омбудсманга мурожаат қилдилар.

Бизнес-омбудсман девони томонидан ўтказилган ўрганиш натижасида, мазкур текширувларнинг ҳақиқатан ҳам ноқонуний равишда амалга оширилганлиги тасдиқланди.

Олот туман СЭО ва ЖСБ бўлими мансабдор шахсига нисбатан Маъмурий жавобгарлик тўғрисидаги кодекснинг 241-2-моддаси билан маъмурий баённома расмийлаштирилди. ЖИБ Олот туман судининг қарори билан ҳуқуқбузарлик факти ўз тасдиғини топди ва мансабдор шахсга базавий ҳисоблаш миқдорининг 3 баробари миқдорида жарима жазоси тайинланди.

Бизнес-омбудсман девони томонидан кўрилган чоралар натижасида тадбиркорларнинг ҳуқуқлари тикланиб, келгусида бундай ҳолатларнинг олдини олишга қаратилган чоралар кўрилди.