“Lux” МЧЖ (номи ўзгартирилган) унинг мулк ҳуқуқлари бузилганлигидан норози бўлиб, Бизнес-омбудсманга мурожаат қилди.

Аниқланишича, ҳокимнинг қарори билан ер майдони давлат ва жамоат эҳтиежлари учун олинганлиги натижасида тадбиркорга тегишли 87 кв.метрлик савдо дўкони бузилган. Ушбу мулк мустақил баҳоловчи корхона томонидан қарийб 4 миллиард сўмга баҳоланган. Шу билан бирга, тадбиркор томонидан компенсацияни тўлаб бериш тўғрисидаги мурожаат Тошкент шаҳар ҳокимлигига юборилганлигига қарамай, компенсация тўланмаган.

Бизнес-омбудсман томонидан Тошкент туманлараро иқтисодий судига киритилган даъво ариза натижасида Тошкент шаҳар ҳокимлигига “Lux” МЧЖга қарийб 4 миллиард сўм компенсация тўлаб бериш вазифаси юклатилди.