Сурхондарё вилояти Музработ туманида фаолият кўрсатувчи «O.D.S.» (номи ўзгартирилган) хусусий корхонаси мутасаддилар хатти-ҳаракатидан норози бўлиб, Бизнес-омбудсманга мурожаат қилди.

Аниқланишича, «O.D.S.» хусусий корхонаси лойиҳани ишга тушириш учун “Фармацевтика маҳсулотлари хавфсизлиги” ДМдан рухсатнома олишда айрим мутасаддилар томонидан тўсқинликларга дуч келган.

Вакил девонининг ўрганишлари натижасида, айрим мутасаддиларнинг ҳаракатларида маъмурий ҳуқуқбузарлик аломатлари аниқланди. Ушбу мутасаддилар жавобгарликка тортилди ва «O.D.S.» хусусий корхонасига лецензия олишда амалий ёрдам кўрсатилди.

Натижада, 3 млн долларлик ускуна ишга туширилиб, 30 та янги иш ўрни яратилди. Шунингдек, корхона инфузион система маҳсулотлари ишлаб чиқаришни бошлади.

Тадбиркорлик субъектларининг ҳуқуқларини ҳимоя қилиш – Бизнес-омбудсманнинг устувор вазифаси!