Самарқанд вилоятида фаолият кўрсатувчи “Азиза” (номи ўзгартирилган) МЧЖ раҳбари ер майдонига доир кадастр ҳужжатлари расмийлаштириб берилмаётганлигидан норози бўлиб, Бизнес-омбудсманга мурожаат қилди.

Аниқланишича, тадбиркорга жами 30 гектар ер майдони ажратилган бўлиб, шундан 4,31 гектаридан фойдаланиб келинган. Қолган 25,69 гектар ер майдонидан фойдаланиш имконияти бўлмагани сабабли, тадбиркор ушбу қисмини давлат захирасига қайтаришни сўраган. Бироқ туман ҳокимлиги, вилоят ҳокимлиги ва кадастр идораларига бир неча бор мурожаат қилган бўлса-да, масала ҳал этилмай қолган.

Ўрганиш натижаларига кўра, "Азиза" МЧЖга ажратилган 30 гектар ер майдонидан 4,31 гектари UZKAD дастурига киритилиб, корхона номига давлат рўйхатидан ўтказилди.