Бизнес-омбудсман томонидан Конрад Адэнауер жамғармасининг Марказий Осиё минтақавий ваколатхонаси билан биргаликда бизнесини яратиш ва ривожлантириш асосларига бағишланган навбатдаги ўқув тренинглари ўтказилди.

Тренинглар жорий йилнинг 28-30 апрел кунлари Қашқадарё вилоятининг шаҳар ва туманларида бўлиб ўтди.

Тренингларнинг мақсади республикада ёшларни қўллаб-қувватлаш соҳасида амалга оширилаётган ислоҳотлар самарадорлигини ошириш, ёшларни, хусусан хотин-қизларни тадбиркорликка фаол жалб қилиш, уларнинг ташаббусларини бошлаш ва ривожлантиришга кўмаклашиш, уларнинг ҳуқуқий онгини ошириш, шунингдек, давлат томонидан берилаётган имтиёз ва преференцияларни тушунтириш.