Наманган вилоятида фаолият юритувчи тадбиркор “Микрокредитбанк” АТБ Поп туман филиали ходимлари хатти-ҳаракатидан норози бўлиб Бизнес-омбудсманга мурожаат қилди.

Аниқланишича, у ўзининг нодавлат мактабгача таълим ташкилоти учун мебель жиҳозларини харид қилиш мақсадида кредит олиш учун банкка мурожаат қилган, аммо рад жавобини олган.

Ўрганиш жараёнида тадбиркорнинг ПҚ-306-сон қарори асосида ташкил этилган «Кичик бизнесга кўмаклашиш маркази»да амалий ўқув курсларини муваффақиятли якунлагани ва сертификат олгани аниқланди. Бу эса унга мазкур Дастур доирасидаги қўллаб-қувватлаш механизмларидан фойдаланиш ҳуқуқини берган.

Комплекс дастури доирасида тадбиркорга 100 млн сўм миқдорида кредит ажратилиши таъминланди.