Тадбиркорлик субъектларининг мурожаатлари давлат органлари томонидан кўриб чиқилишида қонун нормаларига риоя этилиши мунтазам равишда ўрганиб келинмоқда.

Қорақалпоғистон Республикасида тадбиркорлик фаолияти билан шуғулланаётган “Дарё” (номи ўзгартирилган) МЧЖ раҳбари Кадастр агентлиги хатти-ҳаракатидан норози бўлиб Бизнес-омбудсманга мурожаат қилди.

Аниқланишича, “Дарё” МЧЖга тегишли бўлган Нукус туманида жойлашган нотурар иморати кадастр органи томонидан давлат рўйхатидан ўтказилган. Бироқ тадбиркорга тегишли бўлган ер майдони ва биноларга хатолик туфайли 2 та кадастр ҳужжати расмийлаштирилганлиги сабабли солиқ тўловлари 2 ҳисса кўп ҳисобланган.

Бизнес-омбудсманнинг аралашуви ва Кадастр агентлиги томонидан амалга оширилган биргаликдаги саъй-ҳаракатлар натижасида хатони тузатиш чоралари кўрилди. “Ko’chmas mulk-3” ва “UZKAD” тизимларидан такрорий маълумотлар ҳисобдан чиқарилиб, тадбиркорнинг мурожаати ижобий ҳал этилди.